Апісанне конкурсу па-беларуску

Міжнародны конкурс для журналістаў пішучых пра Беларусь Belarus in Focus 2015 працягвае прыём артыкулаў!

Стажыроўка ў рэдакцыі брытанскага «The Guardian», паездка ў офіс Еўрапейскага парламента ў Брусэль, майстар-клас з журналістамі з розных краін свету і міжнароднымі ментарамі - усё гэта чакае пераможцаў конкурсу Belarus in Focus 2015. Да ўдзелу ў конкурсе запрашаюцца аўтары артыкулаў пра Беларусь, апублікаваных у замежных СМІ. Прымаюцца тэксты, апублікаваныя ў 2015 годзе на такія тэмы як палітыка, міжнародныя адносіны, грамадства і культура. 

Міжнародны конкурс Belarus in Focus 2015 праходзіць ужо ў пяты раз. Аўтарытэтнае журы ацэньвае артыкулы ўдзельнікаў конкурсу з усяго свету.

Для ўдзелу ў конкурсе зайдзіце на сайт http://www.competition2015.belarusinfocus.info/, запоўніце кароткую анкету і пакіньце тэксты вашых артыкулаў. На конкурс прымаюцца матэрыялы, апублікаваныя ў перыяд з 1 студзеня па 31 снежня 2015 года. Заяўкі можна падаваць да 19-га студзеня 2016 года. Больш падрабязна аб правілах конкурсу чытайце тут.

Сябры журы «Belarus in Focus 2015»:

Майкл Андэрсан (Данія), журналіст, медыя-эксперт, кіраўнік MYMEDIA

Джудзіт Соал (Вялікабрытанія), кіраўнік Усходнееўрапейскай сеткі газеты The Guardian (інтэрв’ю з Джудзіт чытайце тут!)

Міхал Патоцкі (Польшча), публіцыст, намесніка рэдактара польскага штодзённіка Dziennik Gazeta Prawna

Элі Хаўорт (Вялікабрытанія), цэнтр медыя-адукацыі BBC

Міхась Янчук (Беларусь), Беларуская асацыяцыя журналістаў, тэлеканал Белсат.

Асноўная мова конкурсу - англійская. Але сябры журы могуць прачытаць вашыя артыкулы таксама на нямецкай, іспанскай, французскай, дацкай, шведскай, нарвежскай, польскай, балгарскай, украінскай, рускай мовах і рэкамендаваць іх да перакладу.

Прызы:

У намінацыі «дасведчаны журналіст» (звыш 3-х гадоў вопыту) - 3 сертыфіката па 500 еўра на прафесійнае развіццё (платныя адукацыйныя праграмы ў журналістыцы, павышэнне кваліфікацыі, купля тэхнічнага абсталявання)

У намінацыі «журналіст-пачатковец» (да 3-х гадоў вопыту) - 3 сертыфіката па 300 еўра на прафесійнае развіццё (платныя адукацыйныя праграмы ў журналістыцы, павышэнне кваліфікацыі, купля тэхнічнага абсталявання)

Спецыяльны прыз ад Усходнееўрапейскай сеткі газеты The Guardian - стажыроўка ў лонданскім офісе The Guardian для ўдзельніка з Беларусі.

Спецыяльны прыз ад офіса дэпутата Еўрапарламента Агнешкі Казлоўскай-Раевіч - паездка ў брусельскі офіс Еўрапарламента для 2-х ўдзельнікаў з Беларусі, якія пішуць пра беларуска-еўрапейскія адносіны

Усе пераможцы конкурсу будуць запрошаныя ў красавіку ў Мінск на двухдзённы майстар-клас з удзелам членаў журы конкурсу, міжнародных экспертаў і журналістаў.

Чакаем вашых заявак на сайце competition2015.belarusinfocus.info

Арганізатар конкурсу: Belarus in Focus Information Office

Міжнародны журналісцкі конкурс Belarus in Focus спансуецца MYMEDIA 

Гэты матэрыял быў выраблены з дапамогай MYMEDIA, праекта, фундаванага DANIDA. Змест гэтай публікацыі з’яўляецца выключнай адказнасцю Інфармацыйнага офіса Belarus in Focus і не можа лічыцца афіцыйным меркаваннем MYMEDIA / DANIDA.